Nasibe Pak Samiun

          Pak Samiun sawijning tukang becak manggon ing kampung arjosari. Dheweke disenengi karo tangga tangga teparone sarto, wong-wong ing sakupenge kampung kono, amarga grapyak semanak, lan ngajeni marang sapa wae. Dheweke akeh langganane. Meh sabendinane ngeterake langganane kang dumadi saka bocah-bocah sekolah dasar. Ing antarane langganane mau, ana bocah ing tataran sekolah dasar kelas 4 lan 5. Arane Asri lan Yani. Pak Pawiro, wong tuwane bocah kekarone seneng marang Pak Samiun.

          Sawijining dina, nalika bocah loro lagi mudhun saka becak mau, dheweke tiba mengkureb, lan dhengkule gubras getih. Weruh kang kaya mengkono mau, Pak Samiun enggal-enggal aweh pitulungan. Pak samiun tumuli enggal-enggal mbopong asri digawa mlebu menyang njero kelas, dene yani ngetutake saka mburi karo prembik-prembik arep nangis. Weruh patrape Pak Samiun kang nduweni rasa welas asih mau, Pak Guru penggalihe krasa trenyuh, ing atase Pak Samiun kalebu wong liya braya karo kaluargane Asri.

          Kaya biasane, esuk iku Pak Samiun wes teka ing omahe Pak Pawiro saperlu ngeterake Asri lan Yani. Nanging esuk iku polatane katon suntrut. Bareng didangu apa sebabe dene katon susah, Pak Samiun matur terus terang yen ora bisa mbayar SPPne anak e sing saiki isih kelas 6. Pak Pawiro kadudut penggalihe, mula klawan ekhlas, Pak Samiun tumuli diparingi dhuit dening Pak Pawiro kango bayar SPP ne anake. Atine Pak Samiun dadi bungah. Ing bathin muji sukur marang kamurahane gusti kang maha kuwasa.

          Nanging kagete Pak Samiun dhuwit paringane Pak Pawiro ing celanane pranyoto wis ora ana. Klawan ati bingung dheweke celilengan ing sadalan dalan, mbok menowo dhuwite ceblok ing ndalan. Dheweke wes ora peduli karo ramene lalulintas ing ndalan. Dumadak ana clot lumaku banter nyamber Pak Samiun. Becake Pak Samiun ajur, awake gubras getih lan jiwane ora bisa dikukup maneh. Dene clot kang disetiri nom-noman ora gelem tanggung jawab. Kabar ngenani tiwas e pak samiun agawe kaget. Dene Pak Pawiro lan kepala sekolah SDN arjosari tumuli maringi sumbangan sacukupe marang kaluargane Pak Samiun dene anak e Pak Samiun banjur dipundhut dadi anak angkate bapak kepala sekolah.

Pepiling : Dadi uwong kudu seneng tetulung marang kabeh uwong  kesulitan sing dikenal utawa ora kenal

Kancil lan Merak


     Ing jaman biyen urip loro kewan, yaiku kancil lan merak. Kancil nduweni wulu warna coklat, lan merak nduweni wulu apik putih lan indah. Kewan-kewan ing alas kuwi pingin nduwe wulu kang apik kaya merak.

      Yen ana dino njaluk tulung marang merak kanggo ngekei wulu sing ana ing awake. Pripun carane akhire merak nduweni cara kanggo ngekei pelajaran marang kancil. Nganti wektu sing dijanjekake, kancil marani merak maneh lan akhire dikei wulu saben awake. Ananging nemplekake wulu kuwi mau nang awake kancil nggunakake lem teko getahe karet.

      Kancil mlaku-mlaku saben alas lan ora sadar menawa getah sing tambah garing kuwi. Akibate kancil ora biso gerak lan njaluk tulung marang merak gawe njabuti bulu sing ana ing awake. Akhire Kancil sadar yen kewan iku akeh jenise lan diciptakake bedo. Alon-alon merak njabuti wulu ing awake kancil. Rasane perih amarga kulit sing ditempeli wulu merak katut kejabut marang mulu kuwi mau.

Roro Jonggrang

Judul Buku    : Roro Jonggrang

Penulis           : -

Penerbit         : Karunia Jaya Surabaya

Tahun terbit  : -

          Ing jaman Kerajaan Hindu-Buddha wonten tatunggaling pangeran kang kagungan asma Raden Bandung Bondowoso kang terkenal kuwat lan sekti mandraguna. Kajaba Pengging, wonten kerajaan liya sing duwe jeneng Keraton Boko. Prabu Boko nduwe putri sing ayu banget kanthi jeneng Roro Jonggrang.

          Ana sawijining dina, Prabu Boko nduwe pepinginan ngambakne wilayah kerajaan kanthi nyerang Kerajaan Pengging. Peperangan gedhe banjur kedadean, korban jiwa lan bandha tansah katon ana ing pihak Kerajaan Pengging uga Kerajaan Boko. Kanggo ngurangi rakyate sing mati, Prabu Damar Moyo dawuh dening Raden Bandung Bondowoso supaya perang ngelawan Prabu Boko.

          Krungu Prabu Boko mati, Patib Gupala dawuh marang pasukane kanggo mundur saka Kerajaan Pengging mlatu menyang Keraton Boko. Patih Gupala sing ketok dhisik dewe ana keraton nemoni Roro Jonggrang lan ngandani menawa Prabu Boko wis mati ning tangan Raden Bandung Bondowoso. Pas Raden Bandung Bondowoso lagi nggoleki Patih Gupala neng njero istana, dheweke ketemu karo Roro Jonggrang. Amarga ayune Roro Jonggrang, Raden Bandung Bondowoso langsung katresnan marang piyambakelan njaluk kanggo bebatihan. Ananging Roro Jonggrang ora gelem amarga ngerti menawi Raden Bandung Bondowoso sing mateni bapake.

          Kanggo nolak lamaran Raden Bandung Bondowoso, Roro Jonggrang banjur ngendikan "Yen sampean pengen ngrabeni aku, sampean kudu nggawekne aku siji sumur lan sewu candi ana wektu sewengi." Panjaluk Roro Jonggrang mustahil dilakoni ananging Raden Bandung Bondowoso nyaguhi panjaluke Roro Jonggrang. Piyambake banjur nggawe sumur jenenge Jalatunda lan 1000 candi kanthi bantuan para lelembut.

          Kawatir Raden Bandung Bondowoso bisa ngrampungake gaweane, Roro Jonggrang ngutus dayang-dayang nuthuk pari lan ngobong damen ning sisih wetan supaya dikira wis esuk. Para lelembut sing ngewangi Raden Bandung Bondowoso padha kabur amarga wedi arep isuk. Bangunan candi durung genep. Raden Bandung Bondowoso mung nututake 999 candi. Raden Bandung Bondowoso nesu lan ngutuk Roro Jonggrang dadi arca sing dikenal kanthi jeneng arca Dewi Durga kanggo mepaki 1000 candi kasebut.

Sang Pangeran Pati

Judul Buku     : Sang Pangeran Pati
Penulis            : Fitri Gunawan
Penerbit          : Q Publisher
Tahun Terbit  : 2013

          Surya Baskara kuwi priya kang nduweni pasuryan bagus pideksa, pinter, andhap asor, pinter sesrawungan, lan pinter gawe ati para wanita luluh. Surya Baskara dadi wakil ketua redaksi ana ing Perusahaan Koran Cahaya Kita makili Prihastuti Kusuma kang dadi ketua redaksi Cahaya Kita amarga duwene kang rama Broto Kusuma. Prihastuti uga wis nganggep Surya adhine dewe, merga diperxaya dadi tangan kanane deweke. Marang kanca-kanca kantore Surya disebut Pangeran Pati amarga apa wae tugase kang diwenehake bakal beres ora ana sek kececer.

          Surya duweni program kerja anyar kang dianggep bisa gawe Cahaya Kita dadi luwih apik. Nanging saka program kerja sing anyar kuwi Surya tumindak culika, Surya dumadakan dadi milyader amarga nampa cek 50 yuto. Nanging Surya ngrasa marem merga bisa buktikno yen bisa dadi milyader senajan hasil saka tumindak culikane marang kode etik jurnalistik. Rampung saka masalah internal, Surya diadepi karo masalah eksternal. Surya ngrasa yen deweke kendel karo Basuki lan Sri Wahyuni. Penggalihe Prihastuti muncak menawa ngerti yen Suryono manfaatke Cahaya Kita kanggo mborong koran pesainge supaya mati oasarane lan dadi tambah sugih.

          Saka masalah-masalah kang digawe karo Suryono, deweke kaya duwe musuh pirang-pirang, Surya diculik amarga pawarta kang diwolak-walik kabenerane marang Surya. Akhire Surya dislametke Surti nganggo teknologi canggih yaiku pendeteksi tempat kang wis tau dipasang ing plat nomor mobil X-type kendaraane Surya. Sabanjure, Surya ketemu ana ing hotel banjur age-age digawa metu.

          Ucul saka masalah kang wigati kuwi, Sura malah entuk rejeki nomplok amarga deweke banjur bisa nggirbini Surti, banjur deweke malah melu Surtikanthi menyang Amerika nerusake pendidikan S3 ngancani bojone kang entuk beasiswa kanggo nerusake dadi dokter. Oramung kuwi wae, Surya uga entuk duwit saka Aryo Guritno, kangmase, amarga berhasil dadi gubernur saka pangorbanane Surya.